Friday, January 15, 2021
Empower Zhvillim Personal dhe Profesional Rritje personale Çfarë nuk është lumturi sipas strategut të rritjes personale, Daryl Daughtry

Çfarë nuk është lumturi sipas strategut të rritjes personale, Daryl Daughtry

  1. Lumturi nuk do të thotë se duhet të arrish gjithçka që dëshiron

Ti nuk do të gjesh lumturi duke arritur gjithçka që dëshiron apo t’i arrish gjërat sipas mënyrës tënde. Paraja nuk e blen lumturinë, në fakt, edhe rritja e pagës mund të rrisë pakënaqësinë tuaj pasi pritshmëritë tuaja zgjerohen duke tejkaluar sasinë e parave që ju dispononi. Një makinë e re, një shtëpi më e madhe, një ditë do ju duken sikur nuk janë mjaftueshëm. Eshtë në natyrën njerëzore që njeriu të vazhdojë të thyejë barrierat dhe të kërkojë për më shumë.

  1. Lumturia nuk është të ndihesh mirë gjatë gjithë kohës

Njerëzit të cilët janë të lumtur nuk jetojnë në një gjëndje konstante ekztazie. Jeta nuk është e këtillë. Disa ditë ti ndihesh shumë mirë dhe disa ditë jo. Gjithësecili prej nesh ka momente jo të mira. Lumturia është më shumë se thjesht të ndihesh mirë. Është të ndihesh i përmbushur dhe të jetosh një jetë me kuptim.

  1. Lumturia nuk është një pikë përfundimtare

Lumturia nuk është një destinacion në të cilin ti mbërrin apo një synim që ti e arrin dhe më pas ka përfunduar. Nuk është diçka që ti mund ta plotësosh, sikur të ishte një dëshirë. Lumturia është më shumë një zakon nga i cili ti zgjedh për të mësuar. Është një mënyrë e të vëshguarit të jetës dhe të ndërtimit të raporteve njerëzore dhe të qenurit i vetëdijshëm që jeta nuk është një proces përfundimtar i ndryshimit. Kështu që, lumturia është një zgjedhje.

  1. Lumturia nuk varet nga njerëzit e tjerë

Shpesh njerëzit vendosin lumturinë e tyre në duart e të tjerëve. Ata mendojnë se i nevojitet një vlerësim i jashtëm në mënyrë që të ndihen mirë me veten e tyre. Por, duke u mbështetur në mendimet e njerëzve të tjerë për ty,  nuk është një mënyrë e shëndetshme për të jetuar. Në fakt, është një shkatërrim emocional që pritet të ndodhë.

  1. Lumturi nuk do të thotë të pretendosh

Mediat sociale janë plot me njerëz që pretendojnë se kanë një jetë të përsosur, por jo. Askush nuk e ka. Lumturia që ju shihni në TV apo Media Sociale mund të jenë të vërteta por gjithashtu edhe jo. Mos harroni, të gjithë përpiqen që të tregojnë panoramën më të bukur të jetës së tyre. Me shumë mundësi një pjesë e madhe prej tyre janë duke pretenduar se janë më të lumtur sesa realisht janë. Askush nuk do të postojë një aspekt të mërzitshëm apo një lajm negativ që ai ka marrë. Kështu që, bota on-line që ju shpesh shihni, në shumicën e rasteve është një iluzion. Bota reale është me shumë nuanca, dhe lumturia e vërtëtë varet nga një kombinim faktorësh.

Studimet kanë treguar që lumturia e vertetë dhe e qëndrueshme mesa duket varet nga mendësia e shëndetshme dhe pritshmeritë realiste. Lumturia vjen duke vlerësuar gjërat e mira që ju keni dhe jo duke u fokusuar në defektet apo mangësitë e tyre.

/personalgrowthmagazine.com

Empower Team
Empower Teamhttp://www.empowermag.al
Empower Team kujdeset të publikojë artikuj të përzgjedhur që i shërbejnë 100% karrierës, rritjes personale dhe zhvillimit profesional.

Must Read

Drejt perspektivash të reja në ripërtëritjen e jetës artistike dhe kulturore

Nga: MSc. Pandi Madhi dhe Klaudia Madhi Duke lexuar një raport të UNESCO-s (Organizata e Arsimimit, Shkencës, Kulturës e Kombeve të Bashkuara) të majit 2020...

Platformat ndërkombëtare më të mira për të mësuar online

Në një kohë si kjo e sotmja, ku teknologjia zhvillohet dita-ditës me shpejtësi, aftësia për t’iu përshtatur këtyre ndryshimeve bëhet domosdoshmëri. Që procesi i...

Menaxhimi i artit në kushtet e pandemisë, nevojë dhe mundësi

/artikull i shkruar për Empower Magazine Albania nga Pandi Madhi dhe Oltjon Valisi, pedagogë pranë Fakultetit Administrim Biznesi në Tirana Business University College. *** Nga shumë...

Nis kursi i parë i programimit “Java from Scratch” nga SDA Albania në partneritet me Protik dhe AADF

Software Development Academy në bashkëpunim me Qendrën Protik dhe Fondacionin Shqiptaro-Amerikan për Zhvillim (AADF) dhe në partneritet me Bashkinë e Tiranës dhe Agjensinë Kombëtare...

Si të ndalojmë krahasimin me të tjerët në rrugën drejt arritjes së qëllimeve

“Krahasoje veten më shumë me të tjerët" është një nga këshillat që asnjeri nuk ka nevojë ta dëgjojë. Pse? Sepse krahasimi i vetes me të tjerët...

Fuqizoni vetveten!

www.empowermag.al është platforma #1 dixhitale dhe e vetme në Shqipëri dedikuar karrierës dhe zhvillimit personal e profesional.